Boss Engira Bhaskaran Re Release Date

 ரீ  ரிலீஸாகும்  " பாஸ் என்கிற பாஸ்கரன்"

தற்போது (2025) தமிழ் சினிமாவில் நன்றாக ஓடிய படங்கள் ரீரிலீஸ் செய்வது ட்ரெண்டாகி வருகிறது. கடந்த வாரம்  ரவி மோகனின் `எம். குமரன் சன் ஆப் மகாலட்சுமி', சிவகார்த்திகேயனின் `ரஜினி முருகன்' போன்ற திரைப்படங்கள் ரீரிலீஸ் செய்யப்பட்டன.

இந்த வரிசையில் கடந்த 2010 ஆம் ஆண்டு,  எம். ராஜேஷ் இயக்கத்தில், யுவன் ஷங்கர் ராஜா இசையில், ஆர்யா , சந்தானம் , நயன்தாரா நடிப்பில்  வெளியாகி மாபெரும் வெற்றி பெற்ற " பாஸ் என்கிற பாஸ்கரன்" திரைப்படம் வரும் 2025 மார்ச்  21 ஆம் தேதி மீண்டும் திரையரங்குகளில் வெளியாக  உள்ளது .

 இப்படத்தில் ஆர்யா - சந்தானத்தின் காமெடி ரசிகர்களிடையே வரவேற்பை  பெற்றது , தல தளபதி சலூன்கடை ஓனராக வரும் சந்தானத்தின் காமெடிகள் செம ட்ரெண்டிங் ஆனது , குறிப்பாக ஆர்யா - சந்தானம் கூட்டணியில் உருவான இப்படத்தின் காமெடி ட்ராக்குக்கு என தனி ரசிகர் பட்டாளம் உருவாகியது . மேலும் நா. முத்துக்குமாரின் பாடல் வரிகளில், யுவன் சங்கர் ராஜா இசையில் பாடல்கள் அனைத்தும் சூப்பர் ஹிட்டாகின .

 இந்நிலையில் மீண்டும் இத்திரைப்படம்  வரும் மார்ச் 21 ஆம் தேதி  வெளியாக உள்ளதாக படக்குழு தெரிவித்துள்ளதை, ரசிகர்கள் ஆவலுடன் கொண்டாட தயாராகி வருகின்றனர் .